هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى لعرض كافة الأبداعات في كل المجالات
 
الرئيسيةالبوابةأحدث الصورالتسجيلدخول

 

 نكت

اذهب الى الأسفل 
2 مشترك
كاتب الموضوعرسالة
Bif_baf




عدد الرسائل : 9
تاريخ التسجيل : 25/07/2007

نكت Empty
مُساهمةموضوع: نكت   نكت Icon_minitimeالسبت يوليو 28, 2007 12:46 am

السلام عليكم اخوان
جبت الكم مجموعة من النكت ان شاء الله تعجبكم
شباب بلندن ركبوا باص أبو طابقين... اللي فوق يدق على اللي تحت يقوله: كم تمشون ؟ قاله : 80 .. وأنتم ؟ قال اللي فوق : لحد الان ماجانا السايق.

في أحد الإختبارات سألوا فرنسي وياباني وعربي: شنو أسرع شي في الدنيا ؟ قال الفرنسي : النور .. قال الياباني : التفكير .. قال العربي : الإسهال .. سألوه ليش ؟ قال : لأنه إذا جاك الإسهال ماتلحق لا تفتح النور .. ولا يخليك تفكر


محشش راح للدكتور يشتكي انه كل مانام ‏ يحلم بقطط يلعبون كره. قاله الدكتور : لاتنام يومين .. قال المحشش : مااقدر لان بكره بيلعبون على النهائي !


محشش يكتب المحاضرة مع الدكتور, كل ما مسح الصبوره شق الورقة!

محشش دائما" يورث جكارتين ويشربهن سوا... قاله صديقه: ليش ؟ قال : عني وعن أخوي اللي بالسجن .. وبعدين صار يورث جكاره وحدة .. قال صديقة : مبروك طلع أخوك .. قال : لا ، أنا بطلت التدخين !

محشش عند باب بيتهم ... مرت الشرطة ... سألوه: انت من أهل البيت ؟ قال : لا .. من كفار قريش !


> >محشش شاف لافتة مكتوب عليها: مزرعة أبقار... سأل صاحب المزرعة: شلون تزرعون البقر ؟ قال له بغباء : نرش سكر ويطلع بقر . راح المحشش ثاني يوم ورش سكر .. رجع ثاني يوم شاف النمل مجتمعين ، قال : الله البقر وهم صغار !




محشش يعرب جملة (برنامج كل الرياضة)
بر : صحراء
نامج : القبطان (نامق) اللي يطلع مع عدنان ولينا
كل : أصلها (كلب) وحذفت الباء تقديراً للمجلس
الرياضة : (الرياض) عاصمة المملكة ، (ة) مالها داعي !



محشش يباوع يناظر مباراة ريال مدريد ، سمع المذيع يقول فاول ل صالح رونالدو ‎،
قال ‎: تصدقون توني أدري ان اسمه صالح!


مرة اثنين مساطيل في حديقة الحيوانات ....الاول:ليش رقبة الزرافة طويلة.....الثاني:يا اهبل علشان راسها بعيد

طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.


محشش راح للمطار يستقبل أبوه باس الجنطه وشال أبوه.


صرصر راح يعزي بوفاة صرصر ..سأل أهله:شلون مات المرحوم؟ گالوا بذاك المرض اللعين...گال أيبااااه..هم بالشحاطه!!



دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها.



دجاجه إنتحرت وكتبت على ورقه:خلّي( ماجي) ينفعكم..!!



طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.



هايشه وگفت گدام المرايه وگالت:والله حرام كل هذا الجمال وياخذه ثور.



حيّه تبچي .گالولها :ليش؟؟ گالت خمس سنوات إمخيله عله عربيد وبالأخير طلع صونده.



محشش يسوق تكسي .. أشّرتله بنيه .وگف گال : وين تروحين؟ گالت: للشورجه گاللها: اوكي بس لتتأخرين.

محشش لازم الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن.. گيمر..؟


محشش رجع للبيت متأخر ..مرته فتحتله الباب.. ضربها وگاللها وين ليهسه متأخره بت النعال؟




حشاش ضرب صديقه راشدي فگال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه.



حشاش يحچي ويّه روحه:مدري مواعد وحده الساعه ثنين؟.. مدري مواعد ثنين الساعه وحده؟


قزم راد ينتحر چيّت من الرصيف.


قزم عطس ..طخ راسه بالگاع ومات.


حشاش بنه بيت مدوّر وگال لمرته:هم گولي بعد حابسني بين أربع حيطان؟




ثنين اغبياء يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال:وأني سممتلك الهوايش كلهن.



محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟





محشش يسوق سياره ..وگفه شرطي المرور گال له إجازتك؟..گال أي حشيش هذا اللي تحچي عنّه.



واحد راح يسرق بيت وحده سمينه حيل ..مسكته وگعدت عليه وگالت لابنها: يمه محمود خابرلنا الشرطه..الحرامي من يمه گام يصيح:عفيه بسرعه يا محموووووووود.




ابو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ..نعال.




صرصر بالأنعاش شاف صرصر لاخ جايبيه عالسديه گال له: ها أخي .. هم شحاطه؟..گال. لا والله بف باف.




واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.




واحد يشتغل بالستلايتات..طلع أبنه من الأوائل گال : لا مع الأسف راح يشفروه مثل الـ(أي أر تي)..



حشاش گال لمرته الحضريه شناكل اليوم گالت: مسويه رجيم گال اي والله ماضايگهه.



حشاش يم صاحبته دگ عليه الموبايل ..طلعت مرته.. گال عجيب شمدريهه أني هنا؟



حشاش راح يحج شاف الناس تشمر حجار گال: أيّباااااااه.......لهنا وصلت إسرائيل؟



حشاش گال لصاحبه الحشاش :بالله شوف ألاشاره مال السياره تشتغل؟ فگال له صاحبه:إي..لا..إي..لا..إي..لا.............



غبي دعم أثنين بسيارته واحد مات والثاني متكسر.. گام المتكسر يصيح.. گال له الغبي شبيك تصيّح أشو هذاك مات وكلشي ما گال.



اغبياء اثنين مساجين خططوا يقتلون الحارس ويهربون راحوا شافو الحارس ماموجود رجعوا گالوا: خربت الخطه



حفره بسليمانيه كل اللي يوگع بيهه ينكسر..الناس گالوا نحفر السليمانيه كلها بمستوى الحفره ونخلص.




غبي يصبغ السقف بالبويه گالت له أمه:يمه خلي جريده جوه رجليك.. گال لا ماما ميحتاج... أنوش .



غبي گالو له شفنا واحد راكب ويه مرتك بالسياره ومرتك تسوق بسرعه طايره .گال لاتخافون عليهه ..شاطره بالسياقه.



غبي كتب لافته على باب محله: يوجد لدينا ثلج بارد جداً.



بعد فتره من نجاح الاعلان كتب:ملاحظه.. المحل يفتح ليلاً ونهاراً فقط.




غبي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.




غبي طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.




غبي سكن بالرمادي گال له جاره: عود فنجان الگهوه مالتك يمي گال الغبي: أي والله يمكن واحد من الجهال شمره عليكم.



غبي گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر الخاشوگه.



غبي شاف گشر موز بالشارع گال:أوهوووو..شلون شغله ؟ هم راح نزلگ!!



غبي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.



واحد وسخ گال له أبوه روح إغسل وجهك راح يجونه خطار..گال وبلكي ما إجوا؟


غبي راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟


غبي شاف نافورات هواي ببغداد گال : حيل..!! شكثر بيهه بوريات طاگه.

واحد بدائي شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟



سعودي غبي تعين بالأمن السري مال الكعبه شاف واحد يطوف گاله :شعندك تفتر هنا؟

مصري غبي عرس سكتاوي حط كاسيت فارغ بالمسجل.
واحد من المدعوين عجبه الشريط طلب منه نسخه مسجله.



غبي أشتره علچ أبو السهم ..صار الليل وهوه يعلچ..گالوله نام..گال: بالحرام.. ما أنام إلا أخلصه.



واحد بدائي طگّت أموره بالتجاره جاب خدامه..ثاني يوم تعاركت مرته ويه الخدامه..گام عزل كل وحده ببيت.



غبي واهسه بالتجاره سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟



مصري غبي يطوف بالكعبه سمع الاذان سأل اللي يمّه گاله: بروح أبوك ماكو جامع قريب هنا؟



مصري غبي گال لجماعته: والله الخدمات بالسعوديه للحجاج حيل محترمه وأنصحكم من تريدون تحجّون لا تروحون غير للسعوديه.



اغبياء اثنين يتناقشون الاول گال انا من اشرب الگهوه ما اگدر انام الثاني گال انا بالعكس من انام ما اگدر اشرب الگهوه.



واحد بخيل اشتره لابنه حاسبه شال الصفر منهه گال حتى لتسجل عليّه مكالمات دوليه.



فيترجي اشتره چربايه ...نام جواهه وصاح على مرته: ناوشيني سبانه تلثطعش.




غبي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.




يارب تعجبكم وان شاء الله ماكو اي اساءة
الرجوع الى أعلى الصفحة اذهب الى الأسفل
Admin
Admin



عدد الرسائل : 94
تاريخ التسجيل : 03/06/2007

نكت Empty
مُساهمةموضوع: رد: نكت   نكت Icon_minitimeالإثنين يوليو 30, 2007 1:25 am

ههههههههههههههههههههههههههههه

قوية
ضحكتنا يا بف باف
شكرا على المشاركات الخفيفة الدم
تسلم
الرجوع الى أعلى الصفحة اذهب الى الأسفل
https://methal.yoo7.com
 
نكت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم الترفيهي :: منتدى الترفيه والنكت-
انتقل الى: